陳婉衡壓力大咪咪都縮埋!

東方日報
陳婉衡瘦了十多磅,面都凹埋!

「無綫咪神」陳婉衡(Alycia)前日與鄧穎芝(Vangie)、李綺雯等出席電影首映,Alycia以露背谷胸打扮現身,明顯消瘦的她直言變得較「骨感」需要增磅:「可能因為搬屋加上壓力大,瘦咗十幾磅,上磅睇原來得106磅。(咪咪縮水?)好平均咁瘦咗,你睇我面都凹咗。(影響你晒泳裝?)我都想等天氣好可以曬太陽,等咗十幾日,都好掛住陽光海灘。」

早前Alycia在社交網透露分手,問是否因此消瘦?她說:「依家好開心,早前去咗旅行,同埋去到紐約訪問呢套戲其中六位女演員,雖然只係留咗30幾個鐘,但都有時間買嘢同行吓。(散心?)去旅行當然開心。」

鄧穎芝教健身賺錢少

同場的Vangie最近為健身班擔任導師:「我發現興趣唔可以當飯食,我只係教咗一堂已經聲沙沙,因為要同啲音樂鬥大聲,只係賺到幾百蚊,出外面接唱歌工作都有五位數。」提到健身導師收入應該不少,Vangie透露:「我都係受薪於學校,所以賺唔多。不過如果全職教收入都幾可觀。(只收女學生?)暫時唔收男學生。(怕男學生唔專心?)唔會,我都冇嘢睇!因為男仔通常要大隻,或者鋼條形身材,同女仔教法唔同。」

鄧穎芝不諱言興趣唔可以當飯食。
李綺雯斜膊裝騷香肩。