陳嘉桓發福升Cup

1 / 2

陳嘉桓發福升Cup

陳嘉桓

【東方日報專訊】藝人陳嘉桓前晚偕老闆冼國林出席慈善餐舞會,明顯增磅的她上圍升Cup,穿起低胸晚裝甚有睇頭,她笑說:「我一肥啲,身形上就有變化。」並透露將到西藏20日拍攝內地真人騷自駕遊節目:「呢幾個禮拜停咗運動,所以肥咗,自己好急,呢排嘗試將個人嘅節奏、講嘢放慢啲,因為話去西藏樣樣都要放慢,唔係好容易有高山反應。」她打算帶罐頭、能量食品及氧氣樽同行,以備不時之需,但拍攝要求只可以帶小型行李箱及一個背囊,故為執行李相當頭痛。

同場的朱慧敏擔任司儀,她近日與吳啟華合作內地網絡電影,亦有抽空探訪做善事。談及近日股市波動,她說:「我幾好彩,大半年前買咗騰訊用嚟長線投資,依家帳面都有6位數進帳,不過一日未賣都未知嘅。」