陳嘉桓王敏奕玲瓏浮凸夠「胸」狠

東方日報
陳嘉桓大晒圓渾胸部,吸睛度爆燈!


昨晚《第38屆香港電影金像獎頒獎典禮》假尖沙咀文化中心舉行,紅地氈上蔡卓妍(阿Sa)、陳嘉桓、王敏奕、毛舜筠和郭奕芯統統谷胸上陣,忽然「玲瓏浮凸」,就連人妻謝安琪亦真空亮相,春光滿瀉。


金像獎紅地氈星光熠熠,郭富城、余文樂、方中信、鄭伊健和韓國女神宋慧喬等傾巢而出,眾女星趁機鬥性感,雖然楊千嬅、張靜初、周家怡及廖子妤等不約而同「V門大開」,可惜效果「平平無奇」,結果被「谷胸兵團」阿Sa、陳嘉桓及王敏奕揮低,司儀之一的郭奕芯亦大騷長腿吸睛。


謝安琪有前有後


鮮有亮相電影盛會的謝安琪,在紅地氈真空上陣低V兼露背現身,展露人妻性感魅力,她笑說:「好安全,黐晒膠紙。(有冇畀老公過目?)有,佢睇過仲好欣賞,不得不讚佢對時裝係好有品味。」而她在頒獎時換上另一襲V煞晚裝,更為艷麗。


王敏奕穿性感晚裝配襯閃耀的珠寶首飾,她坦言好緊張:「要黐好多膠紙,驚走光。(有冇問准男友曾國祥?)有Send張相畀佢囉!」


忽然「激凸」的阿Sa性感戰衣非常緊身,難怪她走紅氈時「硬晒軚」,問她會否抖唔到氣?她說:「麻麻哋啦!因為落住雨,裙腳濕咗愈行愈重。入場我會換條鬆身裙,等自己坐得舒服啲。」曾美慧孜起初先以密實裝束登場,叫人失望兼跌眼鏡,不過拍照時即脫下外套,大騷低胸晚裝,再配上閃爆BVLGARI鑽飾,被問到身上鑽飾總值?她說:「總之需要保鑣啦!我自己唔敢單獨去洗手間。第一次戴咁貴嘅珠寶,心情相當緊張。」


宋慧喬想拍愛情片


穿上鑲有金色水晶的黑色低胸晚裝亮相的惠英紅,因晚裝裙太長,令她行紅氈時一度失平衡,幸有驚無險。而毛舜筠也鮮有地性感上陣,帶着一枚超過二千萬元的Tiffany & Co.鑽戒,分外高貴。壓軸登場的韓星宋慧喬,受訪時透露已簽約澤東電影,未來望多拍香港電影:「知道香港有好多唔同種類嘅電影,我最想拍愛情片,期待所有新挑戰。」

王敏奕低胸晚裝,展露高貴一面。
周家怡吊帶裙忽然晒事業線!
人妻楊千嬅中門大開,低調性感。
宋慧喬專程來港擔任嘉賓,夠晒畀面。



是日精選

 

視后胡定欣失落最佳新演員

趙式芝jw拍拖入馬場-認關係好穩定

朱晨麗想生b-怨何廣沛唔珍惜

轉眼13歲喇-君如女兒吊帶look慶生

余香凝低胸-派貼

與袁富華同奪男女配角-惠英紅多謝自己抵得諗

陳嘉桓王敏奕玲瓏浮凸夠-胸-狠

倪震奇招撐周慧敏瞓身賣碟-為氹老婆絞盡腦汁

回顧85歲楚原昔日後生英俊相-廿零歲時好很靚仔

心疼-迪麗熱巴跳芭蕾驚豔全場-退場竟慘摔滑出舞台

張寶兒撐男友-為保護身邊人出聲