陳嘉容讚金童玉女

東方日報

名模陳嘉容(Eunis)與林志玲相識逾廿載,雙方是識於微時的模界密友。Eunis表示得悉志玲有好歸宿,已第一時間私訊道賀:「我啱啱傳咗個短訊,話:『從心底裏的祝福,戥你開心,希望你永遠幸福快樂一輩子。』」她看過AKIRA的照片後大讚兩人是「金童玉女」:「好多人或者會覺得模特兒就要搵啲某某有錢人,其實我覺得活到呢個年紀,搵到一個令自己開心嘅人,唔理係乜嘢人,乜嘢國籍,都唔會介意!(拍拖半年就閃婚,好衝動?)絕對唔衝動,人生短暫,要珍惜每件事,如果遇到嗰刻,大家個心一致,唔可以閃婚咩?開心係人生最重要嘅嘢。」她又指志玲愛花又愛粉紅色,是充滿少女心的美少女,性格可愛。

至於早年曾與志玲合作電影《西遊記.女兒國》的羅仲謙及梁詠琪均送祝福,羅仲謙說:「梗係戥佢開心!郎才女貌,希望佢以後幸福。」梁詠琪則在林志玲的社交網留言祝賀:「你是個善良又溫柔的女生,今天聽到這個喜訊實在非常非常替你開心!祝白頭到老!永遠幸福!平安喜樂!」至於林志玲的好友舒淇、鄭元暢及李治廷,以及EXILE隊長HIRO等,亦紛紛在網上送祝福。