陳嘉倩爆無綫男藝人借醉示愛

東方日報
陳嘉倩自爆被一位「全能男藝人」力追,但不肯透露對方身份。

前無綫新聞小花陳嘉倩人靚聲甜,理所當然有不少裙下之臣。她透露曾有位「全能男藝人」,深夜時分傳短訊表白示愛,可惜她冇Feel,沒有下文!

樣貌標致的「宅男女神」陳嘉倩近年轉型為KOL,獲不少男粉絲追捧,身邊亦不乏追求者。日前她擔任ViuTV節目《有酒今晚吹》嘉賓,大爆當年在無綫做主播時,曾獲一名男藝人借醉示愛。

拒透露身份

她憶述有次在慶功宴的卡拉OK聚會中認識該名「全能男藝人」,隔了不久,對方於深夜傳短訊給她示愛,而且短訊斷斷續續,內容沒有邏輯,估計對方飲醉酒:「嗰個Artist(男藝人)鍾意飲嘢嘅,都好適合上呢個節目。唱K之後,識咗唔係好耐咋,咁佢都有Text,有表白咁樣。」

主持問「全能男藝人」有否講「我愛你」?陳嘉倩答:「類似咁啦,我估佢醉咗,因為我好怕收到呢啲『Drunk Message(飲醉酒發的訊息)』。」追問男藝人身份?她指對方所有範疇都有涉獵,是一位全能男藝人。

遭狂迷跟蹤

記者昨日致電陳嘉倩,她依然不肯透露男藝人身份:「唔講咁多啦,都過咗去。」此外,她透露曾在凌晨收工時,被狂迷跟蹤:「有個男仔拎住紮花,喺對面馬路大嗌我個名,跟住又話送我返屋企。因為完全唔知佢係咩人,條路又好靜,所以好驚,我拒絕完佢,佢仲跟我行咗一段路添。」