陳嘉倩大爆被男藝人酒後示愛 呢位全能男藝人身份曝光?

陳嘉倩

前無綫新聞主播陳嘉倩「嘉倩BB」,離開無綫後轉型做KOL,人氣有增無減。前排陳嘉倩上ViuTV晚吹系列節目《有酒今晚吹》,期間大爆喺無綫做嗰陣出席類似慶功嘅聚會,當時仲認識咗一個男藝人,而呢位男藝人之後仲半夜send短訊向佢表白。陳嘉倩估佢應該係飲醉咗,因為啲訊息斷斷續續、又冇邏輯。雖然陳嘉倩就冇爆男藝人身份,只話佢係「全能男藝人」。節目出街後,一班網民及粉絲就化身偵探,估嗰位男藝人係邊個。

《有酒今晚吹》截圖

噚日就有報道指好似搵到嗰位「全能男藝人」,佢就係崔建邦。報道仲話崔建邦當年曾力追陳嘉倩,佢哋試過喺無綫一齊食飯,但陳嘉倩知道崔建邦成日換女友,而冇接受追求。有記者向陳嘉倩求證,佢就否認係崔建邦,仲叫大家唔好胡亂揣測,唔想影響到唔關事嘅人。

【相關搜尋】陳嘉倩cosplay蒂法

陳嘉倩
陳嘉倩