陳嘉倩大爆做TVB主播時曾被男藝人酒後示愛:一位全能男藝人

《有酒今晚吹》截圖

現年30歲嘅前大台新聞主播陳嘉倩,又靚又可愛,獲得唔少網民追捧,更封佢為「嘉倩BB」。2017年離開大台後,嘉倩BB轉行做KOL,經常喺社交網站上載靚相,人氣人增無減。早前,由強尼、練美娟(娟姐)和黃詩詩主持嘅ViuTV晚吹系列節目《有酒今晚吹》邀請咗「嘉倩BB」做嘉賓,而節目亦喺噚晚出街。

《有酒今晚吹》截圖

陳嘉倩喺節目中大爆仲係做主播嘅時候,有男藝人邀請佢出席類似慶功嘅聚會,期間佢認識咗另一個男藝人。呢個識咗唔係好耐嘅男藝人就半夜傳短訊俾佢表白,「嘉倩BB」估計佢當時醉咗,因為訊息無邏輯、講嘢又斷斷續續。陳嘉倩冇透露對方係邊個,只話係一位全能男藝人,亦都鍾意飲酒。

除此之外,陳嘉倩仲有喺節目分享遇到瘋狂粉絲經歷,佢話有次凌晨12點放工,粉絲攞束花喺對面馬路等佢放工,無端端大叫佢個名, 又衝到佢前面話送佢返屋企。當時條路好靜,而陳嘉倩又唔識佢,所以佢當時好驚咁拒絕咗, 但呢位瘋狂粉絲仲一直跟住佢,好彩最後無事。

《有酒今晚吹》截圖
《有酒今晚吹》截圖