陳嘉佳忽然拮針瞓病床:36個鐘無食嘢…

唔通係Body Check?

以搞笑形象見稱的細細粒(陳嘉佳),平時都唔介意自己身形「豐腴」,亦曾直言唔會刻意減磅,會繼續享受生活。不過今日佢就忽然上載瞓病床照,仲要手上插咗針,又表示成36小時無食過嘢,唔好話佢,正常人都餓呀!

雖然佢上載自拍,見佢依然眼仔睩睩鬼咁精靈,一啲都冇倦容,亦未見憔悴,未知佢因何事入院,又冇透露到底係睇醫生定做身體檢查,佢仲上載手上臂上滿怖血絲紅印嘅照片,真係擔心死網友喇!細細粒寫道:「陳小姐呀,你要健康啲啦🤨🤨好耐無試過36小時無食嘢,麻煩等陣整個九大簋畀我食🍔🥩🍗🍕🍣🥙🌮🍔🌭🥓🥩🥐🧀🍠🍕🍟🍗🍖🍲🍤🥗🌯🌮🍦🍿🎂🍰🧁🍬🥺🥺🥺」

細細粒之後回覆東網,指自己只係接受普通身體檢查,佢身體冇事,叫大家唔使擔心。

咩事呀?驚驚…
自拍個樣又幾精神啵。
不過佢都自勉要健康啲。