陳凱琳孖龔嘉欣影婚紗相 為姊妹新劇出力宣傳

呢輯姊妹相好有仙氣!

藝人陳凱琳日前宣布再為老公鄭嘉穎佗B仔,貪靚嘅佢腹大便便都要着高跟鞋出席公布性別派對,認真愛靚唔愛命。今日陳凱琳上載一系列與閨蜜龔嘉欣影嘅婚紗照,相中兩女着上姊妹裝婚紗,見腹部仍未隆起,相信係之前影落。

陳凱琳孖龔嘉欣一齊影婚紗相。
婚紗都可以姊妹裝!

陳凱琳留言:「自從結婚之後,我心諗⋯應該以後都冇機會穿上婚紗~👰🏻點知我個好姊妹 @kungkaty 提我要記得就算結咗婚做咗媽咪都要保持小公主嘅一面。穿上華麗嘅紗裙,扮靚靚,係要讓自己開心一點,絕對唔係問題❤️既然係咁就不如一齊享受下Princess-for-a-day嘅生活先⋯😉👑」佢仲乘機為正有新劇《殺手》熱播中嘅龔嘉欣宣傳:「呢個造型同殺手嗰個真係好唔同~超級鍾意妳做打女!雖然知道你拍嘅時候好辛苦,但係真係好有型喎!」真係夠晒好姊妹。

已為人母嘅陳凱琳再次披上嫁衣。
乘機支持好姊妹新劇播出,夠晒老友!
龔嘉欣於《殺手》中傾力演出,打到周身傷!