陳冠希舊愛楊永晴升呢做人妻 下月擺酒嫁金融才俊

楊永晴

一講起陳冠希(Edison)就會諗起佢舊愛一籮籮,而佢首位公開嘅女友就係楊受成姪女楊永晴(Vincy)。佢地係2006年拍拖,二人愛得熾熱,高調愛足5年,可惜二人於2011年分手。

陳冠希同內地超模秦舒培相戀多年,仲已經生咗小朋友,而楊永晴(Vincy)嘅感情生活都有着落,早前Vincy同未婚夫已經喺香港入紙申請註冊結婚。為人低調嘅Vincy喺職業一欄寫上商人,而未婚夫名叫黃千和(Justin)係一名投資總監,今日有報道指二人將於下月8日喺中環嘅五星級酒店擺酒。

一班好朋友早前幫Vincy喺上海舉行bridal shower,連霍英東孫女霍詠詩都有份參加。 楊永晴嘅爸爸楊超成都有向媒體表示好滿意準女婿,話佢好錫Vincy,至於其他細節就不便透露。