「陪瞓」價目表曝光!馮盈盈竟然輸畀後生女

你會點揀?

港姐冠軍馮盈盈樣靚身材正,而且性格爽朗、敢作敢言個性成為唔少宅男心目中女神。尋日喺主持嘅無綫節目《#後生仔傾吓偈》,以「市場調查」為理由,問一眾後生仔女「價錢」時,黃凱儀(波波)就話不時收到訊息邀約,仲透露試過以每小時五位數開價,波波笑言:「對方話唔使做,我同朋友講笑話可以同佢搭巴士過東隧,塞車都起碼大半個鐘!」

KOL波波不時收到問價訊息。
試過被出價每個鐘5位數,聲稱「乜都唔使做」!
波波身價竟然高過馮盈盈!
波波

其實馮盈盈之前喺節目都透露過被問價,對方竟然出價5百蚊問過夜得唔得,嬲到佢即刻封鎖網民,尋日佢重提舊事,笑言:「大家都係5,點解波波有5位數,我就得5百?其實個價真係冇想像中咁高。」不過佢之後都透露試過被開價20萬去旅行,不過就未有透露當中需要做啲咩。

馮盈盈港姐出身。
試過畀人問價5百蚊一晚...
亦都試過被問20萬出trip價!
馮盈盈同一班後生仔做「市場調查」做到個樣好灰!

前主持麥明詩曾於節目中自爆被問價500萬過一晚,而芷欣則試過被出價以3至5千蚊收購底褲,孔德賢(Danny)雖然係男仔,但亦試過被男粉絲出價以5百蚊收購有味道嘅運動襪,真係咩人都有呀!

另外,有網友睇完節目大嗌該煨,覺得唔應該拎呢啲嘢出嚟講,又有網友覺得只係笑料一則,唔使太認真!

(左)芷欣被人問3至5千蚊收購底褲。
Danny被出價5百蚊收購有味運動襪!