【限童令no more?】陳小春及仔仔內地綜藝節目有望播出

陳小春應采兒一家

喺2017年,陳小春帶埋仔仔Jasper(陳胤捷)參演內地真人騷《爸爸去哪兒5》後令兩父子人氣急升,成功迷倒大批觀眾同網民。湖南衛視更史無前例再度邀佢哋兩父子冧莊拍《爸爸去哪兒6》。可惜中國廣電總局突然頒佈「限童令」,禁止利用未滿10歲的兒童為宣傳節目而賺錢及唔可以炒作明星子女。禁令一出搞到《爸爸6》無限期延播。

《爸爸去哪兒5》

喺噚日下午,應采兒爸爸喺微博上載咗兩張相,第一張相係陳小春同Jasper,另一張就係節目《一起出發吧》嘅相。另外,應采兒喺傍晚po節目截圖,並留言話:「來了 來了」有網民估係《爸爸6》改名後有望可以播出,仲見到一段官方預告片,預告節目仲有何猷君、耿樂、包貝爾及楊爍等參與。

應采兒IG

對於節目改名後可以翻生一事,內地媒體紛紛報導,點知應采兒爸爸喺發帖後未夠兩個鐘就刪除咗。