【附女神湯秘方】舒淇師奶Look見人獲好評

網友口味先最難估!

女星舒淇同丈夫馮德倫雖然因為工作,不時相隔異地,但身為人妻的舒淇仍落力鑽研廚藝,以一招煲靚湯箍住老公。趁住呢排兩公婆都唔使開工,舒淇即刻出招,煲番個番茄紅蘿蔔薯仔瘦肉湯,雖則呢個湯好易煲,不過舒淇拍晒片放上網,親自講解整「女神湯」,當然唔係咁簡單啦!

舒淇話佢呢煲湯係要用沙鍋煲,係要落啲紹興酒,再煲多半粒鐘就搞掂,色香味俱全,片尾仲見到佢成個「師奶Look」現身,一臉素顏兼着住件間條家居服,仲好開心咁高舉勝利手勢。唔少網民話見慣舒淇性感女神look,依家見到成個「煮婦」師奶咁樣,反而覺得好驚喜,仲話好羨慕馮德倫,可以成功娶得女神歸,成日有「女神湯」飲,係天下間最幸福嘅男人咁話!

番茄紅蘿蔔薯仔瘦肉湯,有幾難煲呀?
原來加咗紹興酒!
估唔到舒淇呢個師奶Look,大家先係最Like。