阿Sa「轉行」幫助手剪多功能髮型

東方日報

英皇藝人蔡卓妍(阿Sa)在馬來西亞趕拍網劇《女法醫JD》,日前漏夜執包袱趕到另一個拍攝場地。已安頓好的阿Sa,昨日於社交網透露「轉行」擔任髮型師,幫助手剪個靚髮:「你要對你嘅朋友幾大信任先會畀佢剪你嘅頭髮?我助手叫我同佢剪頭髮,究竟佢係因為真係想剪頭髮,定係驚我悶呢?不過我都不負眾望,設計咗一個劃時代變化萬千嘅髮型畀佢,你哋睇吓佢幾咁滿意。」相中所見,阿Sa有板有眼,十分快手地幫助手設計一個多功能髮型。

此外,在家中隔離的天后容祖兒,自得其樂玩煮飯仔,又要煮又要拍片及影相,她未能兼顧,笑言不識合做YouTuber,她留言:「最慘嘅地方係呢條片拍得一半,後尾太混亂唔記得咗拍,直到完成咗先記得在roll機,不過One man Band差唔多係咁(口架)啦,唔好再鼓勵我做YouTuber,我一啲天分都冇囉。」