阿Sa戰金像影后怕醜冇拉票

東方日報
阿Sa嫌拉票老土,寧願專注操弗Body出戰紅地氈。

獲提名金像獎影后的蔡卓妍(阿Sa)出席導演會晚宴時笑言怕醜,不敢拉票,但預告會以最佳狀態行紅地氈。近日忙健身操弗的她,對當晚「最佳衣着獎」虎視眈眈。

「香港電影導演會」前晚舉行30周年晚宴暨年度頒獎禮,筵開四十多席,阿Sa、黃秋生、方中信、惠英紅、余文樂、陳柏霖及許瑋甯等傾巢而出,星光熠熠,張婉婷由上屆會長劉偉強手上接棒。

憑《非分熟女》入圍金像獎影后的阿Sa自言怕醜,不敢向同行拉票:「如果拉到嘅話,《雛妓》都得啦,咁樣好老土,我係型人嘛!不過我會盡量叫人入場睇戲嘅。(揀咗戰衣未?)未決定,唔知形象設計會畀啲咩我。我未攞過『最佳衣着』,所以呢排忙健身。」

秋生曾美慧孜稱帝后

大會向黃秋生及主演《三夫》的曾美慧孜(小美)頒發「最佳男、女主角」,問到是否對金像獎信心倍增,秋生說:「小寶(爾冬陞)話攞咗呢個,金像獎就係喇,我信佢多過信耶穌,不過正如我名句『攞金像獎衰3年』,但再攞就有排好!」小美直言欣賞秋生的幽默,又表示對入圍金像獎的每位女演員,包括自己表示敬佩。大會又向已故導演林嶺東頒發「榮譽大獎」,全場起立鼓掌。至於莊文強憑《無雙》獲「最佳導演」,而《無雙》亦奪得「最佳電影」。

方中信勸德斌禁足九龍城

此外,方中信與契媽鮑起靜及方平到場,談到新戲拍檔黃德斌誤傷周潤發,他打趣說:「德斌大件事喇,呢兩日好多九龍城街市菜販問我發哥嘅傷勢,佢最好唔好落去住。」又爆契媽早前於英國大病一場,令他心痛不已,鮑起靜即說:「本來係感冒,但我食藥食到中毒,搞咗兩、三星期先好番。」悉心打扮現身的吳千語,透露近期忙在內地開拓市場,暫時無意與男友施伯雄結婚。

吳千語晒腿示人。
許瑋甯特意來港,藉宴會見老友。
曾美慧孜先拔頭籌,成功封后。
秋生與戲中拍檔Crisel Consuji(右)及導演陳小娟齊齊奪獎。