阿嬌情人餐甩底老公嬲豬

東方日報
阿嬌同關智斌咁親暱,老公應該唔會呷醋啩?


幸福人妻鍾欣潼(阿嬌)坦言婚後想拜師學煮家常便飯,由懶爆下廚,變到誓要做好家庭主婦這份工!講到去年的情人節,她坦言很難忘,因為過得嬲爆爆!


趁今日情人節,去年底榮升人妻的阿嬌約埋關智斌(Kenny)炮製朱古力脆脆及白朱古力撻,Kenny更搞笑地「Chef Lemon」上身,瘋狂唧醬,阿嬌一開始冇眼睇,之後忍不住玩埋一份。


至憎食法國菜


問到今年情人節可有整蛋糕送給台灣老公賴弘國(Michael)?阿嬌笑言:「佢唔食甜嘢o架。(你整佢都夠膽唔食?)我唔整啦,佢都唔食,所以我煮餐飯咪好啲,佢會開心啲囉。」她坦言曾為老公下廚一次:「係整雞翼,因為真人騷一定要整,其實我不嬲識整嘅,但我太懶。(佢好冧?)佢鍾意食嘅,我可以再整。(之後會為佢整多啲?)會。」她坦言想拜師學煮飯:「我真係有諗過做家庭主婦,會的起心肝學煮家常便飯。」


講到去年與Michael共度首個情人節,阿嬌笑言認真難忘:「上年情人節佢搵何超蓮幫手喺香港Book咗間法國餐廳,但我一早話最憎食法國菜,因為要等好耐,所以最終冇去到,留咗喺屋企,佢就同我喺屋企囉,但佢嬲嬲哋。」期間她強調了幾次:「我都唔鍾意,但佢仲要Book。(有冇嗌交?)又冇,但佢有少少Keep住講『Book咗但你又唔去』,不過呢啲嘢都要磨合嘅。」她不忘補多句笑言:「佢話已經叫超蓮同餐廳講定上菜快啲。」


關智斌擺脫獨居


至於單身的Kenny就想盡快搵個伴:「唔可以再慣咗自己一個人住嘅生活,最大問題係一個人煮餸好難預,希望有人同我Share。(屋企人有冇催你?)實催啦,佢哋已經催到冇癮,但見到阿嬌結婚咁開心,同埋我又搶咗個花球,我諗下個點都係我o架啦,哈哈。」


場地:Pandora Cake Shop<br>


服裝(鍾欣潼):self-portrait、Lane Crawford、apm Monaco<br>


服裝(關智斌):Lane Crawford

Kenny搞笑地「Chef Lemon」上身,瘋狂唧醬。
兩人整甜品時整古做怪,Kenny仲偷食添!
兩人對完成品相當滿意。


是日精選

 

阿嬌情人餐甩底老公嬲豬

傳宇宙級港女吳若希婚姻亮紅燈-婚姻中忍讓不是必然

林文龍批准翠如隨時收工造人

樂易玲嘲情史抹唔走-吳業坤開騷征服世界

女大18變定造型出事-張曦雯-突然同do姐撞樣

撇低仔女睇冰上曲棍球-鍾嘉欣孖老公二人世界上電視

李彩華6呎-鋼男-私有化-啜手指放閃