阿女功課多到崩潰 郭羨妮匿廁所喊

東方日報
郭羨妮打算讓囡囡到加拿大升學。

藝人郭羨妮(Sonija)昨日出席升學分享活動,她表示女兒讀小一,早已計劃送她到加拿大升學,加上經歷之前一晚陪阿女做功課後,令她加速這念頭:「因為之前停咗課幾日,要追番啲課程,8、9樣功課兼要2個默書,真係搞唔掂,見到阿女做到崩潰,我話唔好做,佢又話唔得。」見到阿女邊喊邊做功課,令她很心痛:「做媽咪好無奈又好大壓力,我唔可以Hurt到佢,自己都爆炸,要走入廁所喊兼冷靜吓。」問到與老公可有共識?她說:「對佢冇太大分別,因為佢要返內地拍嘢,我同阿女喺香港定加拿大都一樣,唔同係坐多幾個鐘頭飛機,反而係自己要放低晒香港嘅嘢去加拿大係最大考慮。」

同場的唐詩詠緋聞男友陳思銘表示二人已很久不見,並說:「最慘係我啲同事,影到男同事就話去揼骨,女同事就話緋聞,搞到我冇晒朋友,聖誕節未有着落。」