關智斌開騷狂數威水史

東方日報
關智斌穿上閃爆外套登場!

關智斌(Kenny)的處男紅館騷《KENNY is BORN 關智斌演唱會》頭場,昨晚在中秋佳節上演,三面台,全場爆滿,溫碧霞夫婦、鄭希怡一家三口、林奕匡夫婦、吳千語等撐場。

Kenny以銀色閃爆外套配闊邊帽登場,開場即唱《眼紅館》,全場跟着High爆大合唱,他不停講多謝,唱罷抖大氣揚言已想喊:「本來度咗嘅嘢,突然間一片空白,今晚係我處男紅館演唱會,在座有八千人見證住,一嚟我就唱《眼紅館》,驚唔驚?你哋啲人話我嘅演唱會淨係聽《眼紅館》嘛!」他又講笑指不少網民為他演唱會改名,如《英皇群星伴斌斌演唱會》、《巨基爆斌演唱會》,笑言斌字好百搭,現場有Fans大叫《相敬如斌演唱會》。Kenny又勁數自己威水史,包括出過四張大碟及冠軍歌,並自嘲:「好難得我呢啲偶像派,出過唔錯嘅作品,係唔Hit啫!」唱到《先知》時,現場播放Kenny童年至今的相,包括騷肌相。

吳千語
鄭希怡(圖)兩母女及吳千語前來捧場。