關智斌搞喊軒仔:呢個人好重要

東方日報
Twins為BOYZ演唱會做嘉賓,笑言老懷安慰。

關智斌(Kenny)和張致恒(Steven)15年前組成的BOYZ難得再「合體」開演唱會,Steven瞞住拍檔將「BOYZ」紋上「心」,在全晚台下歌迷千呼萬喚下,身為BOYZ的「幕後功臣」張敬軒才登場,難怪Kenny都不避忌說:「呢個人好重要!」

BOYZ前晚在九展Star Hall舉行首次《BOYZ THE UNBOXING LIVE》演唱會,不少歌迷應要求以校服Look到場集體回憶。兩人開場大唱《Ready To Go》和《LaLa世界》勁歌熱舞,還打後空翻及側手翻一展身手,脫去外套的Kenny在黑背心下晒出結實胸肌,非常吸睛。

當晚請來組合艾粒和Twins任表演嘉賓,蔡卓妍(阿Sa)上台即變喊包:「當我知道BOYZ開演唱會,我係好開心,佢哋兩個係識一世嘅朋友嚟。」又讚Steven大個仔:「佢一直係我哋大眾細佬,但個樣就唔係囉,好老懷安慰!」四人合唱《死性不改》後相擁,阿Sa更被Kenny取笑喊到眼腫。

甘做背後的男人

Steven更派「洋葱」自責當年做好多事令大家失望,多得Kenny支持他:「前幾日我瞞住你去做一件事。」原來他將「BOYZ」紋在心口,提醒自己要上心:「呢個係對自己一個警惕,因為若我傷害自己,即係傷害咗我拍檔。」搞到Kenny不停拭淚。

演出期間,Kenny每次說多謝時,台下歌迷都大叫「張敬軒」,原來對方一直低調在控制台做「幕後功臣」指揮。Kenny說:「呢個人好重要,佢喺呢個騷幫到我哋好多,今晚佢坐喺Panel位度,做一個特別嘉賓、一個特別顧問,多謝你張敬軒!」在控制台的軒仔終除下口罩,在全場歡呼下上台與BOYZ熊抱,並說:「我啱啱都喊到咩咁,好多回憶,同埋好開心咁多朋友嚟支持你兩個。我哋係同年新人,好開心見到呢兩位同我一齊長大嘅人,佢哋曾經放低唱歌嘅夢想,去其他地方發展,而有你哋支持,佢哋將過去承受嘅經歷、痛苦、辛苦都一筆勾銷。」Kenny再次多謝軒仔當年送一首《預言書》給他,之後三人合唱掀起高潮。

明年進軍紅館?

完騷後,BOYZ受訪談到軒仔「自動波」幫手,更將私家咪借給他們:「知我哋開演唱會,佢覺得係佢一手造成,冇理由台上失禮,所以出手相救,希望出嚟啲聲靚啲,又教舞台技巧。」問可會像Steven一樣將「軒仔」兩字紋上身答謝?Kenny說:「呢啲嘢……其實我都唔知Steven做呢啲嘢,搞到我眼濕濕。」問明年是否進軍紅館?他說:「頭先見到老闆(楊受成),佢話好彩7年前冇炒你哋,咁睇吓明年邊個場做啦!」

BOYZ一時感觸變大喊包。
張敬軒與BOYZ來個愛的抱抱。
愛的紋身
張致恒表演單手倒立。