關智斌出寫真:有啲肉睇吓

東方日報
關智斌寫真Sell生活照,家樂即踢爆等同露肉照。

藝人陳家樂、關智斌(Kenny)、楊天宇及許靖韻昨午現身黃埔,出席流動網絡記者會,3位猛男打鼓贈興,而許靖韻則負責獻唱,場面熱鬧。談到今次表演打鼓,家樂及Kenny透露因時間安排問題,事前只齊齊練習1小時:「之後就返屋企各自各練,難免甩Beat,心情好緊張。」

談到未來工作安排,Kenny表示7月中於網上推出寫真集:「之前喺東京同伊豆取景。(好性感?)生活照囉!」家樂聞言搭訕:「生活照即係喺屋企啦!佢喺屋企除晒衫(口架)!」Kenny靦覥說:「有啲肉睇吓嘅,留番啲遲啲先講,如果唔係到時點宣傳?」

家樂遲啲先追劇

記者打趣問家樂近日是否忙於追劇,他隨即面紅,笑說:「講咩呀?不如講白啲啦!(追睇女友連詩雅嘅《那些我愛過的人》?)呢排我開緊抗疫電影,冇睇過,遲啲先追番啦!答完!」又透露7月會與衛詩雅合作新戲,飾演情侶演繹對婚姻的睇法。

三個猛男鼓舞飛揚,「歌姬」許靖韻就舒服啲,只係獻唱。