關嘉敏拍姦殺戲狂喊瞓唔着

東方日報
在雨中拍攝Carman慘被蹂躪的場面。

女子組合Bingo成員關嘉敏(Carman)拍攝ViuTV《黑市》其中一個單元《過夜》,是個淒美的人鬼愛情故事,她飾演被人姦殺後變成鬼搵番男朋友的女仔:「最初聽到呢個古仔時,已經眼淚係咁流,但我又好緊張,因為我冇呢啲經驗同唔知道應該點演,一直喺度諗應該點樣反抗,應該點樣配合對手,點樣畀反應。」

到正式拍攝時,她在滂沱大雨下躺在巷仔被人掩着口、壓在地上,動彈不得,她說:「大嗌大喊都冇人理嘅時候,原來真係好慘好無助!個感覺真係好真實,我喊到停唔到。」本來以為拍完這場戲心情會好低落,但她自爆:「我興奮到成晚瞓唔到,可以感受一啲從未發生過喺自己身上嘅事,慶幸姦殺只係一場戲,可以嘗試到呢種被虐殺、強姦嘅感覺,我真係一世難忘,就連導演都話我有啲被虐狂,Enjoy被人虐待毒打。」她笑言日後再有機會拍被虐的戲,例如被綁架、追殺,或者被喪屍咬死,她都好想嘗試。

Carman直言喊到停唔到!