【開心速遞】陳偉琪否認有背男友偷啜外籍男:我單身咗一段時間

【開心速遞】陳偉琪否認有背男友偷啜外籍男:我單身咗一段時間

無綫處境劇《愛·回家之開心速遞》今日舉行新春活動,在劇中飾演細龍太的陳偉琪 (Vicky)以及飾演她老公細龍生的鄭世豪都有出席。Vicky日前被影到在街頭與一名外籍男子咀嘴,即被報道指她背住男友偷食。問到Vicky偷啜外籍男一事,她表示:「我無偷啜呀。」她身旁的世豪即說:「佢係明啜。」Vicky就點頭說:「係呀,同埋我要澄清返,我已單身咗一段時間,所以我唔係報道所講嘅背住男朋友偷食。咁分手唔係咩開心事,我就無公告天下。」

Vicky透露當日跟她錫錫的外籍男是她的追求者,她請求大家:「畀返啲空間我哋,唔好嚇走人,我驚會嚇走佢,佢有睇到報道,佢最Angry(生氣)係報道寫佢似湯漢斯,但佢覺得自己似湯告魯斯。(咁你覺得佢似邊個?)我唔敢講,驚講錯嘢,哈哈。」她坦言對對方有好感,兩人也有發展的機會:「要再畀多啲時間互相了解下。其實我媽咪都想快啲嫁走個女,想快啲抱孫,我都想成家立室,不過我唔心急嘅。我真係拍拖會同大家講,所以請大家畀啲空間我,唔好阻住我媽抱孫呀。」

點擊瀏覽《香港01》更多內容和圖集

你可能感興趣:
「細龍太」陳偉琪暢飲破「禁酒令」? 疑背男友與外籍男忘形激吻
「細龍太」陳偉琪涉醉駕今早提堂 辯方申請案件押後至下月5日