【開心速遞】落選港姐加入演阿壯女朋友:個角色叫Grace陳凱琳

【開心速遞】落選港姐加入演阿壯女朋友:個角色叫Grace陳凱琳

TVB處境劇《愛.回家之開心速遞》開播至今一直大受歡迎,無論是角色關係抑或是故事情節都吸引不少觀眾捧場。為了令觀眾有新鮮感,劇中也會經常加入新角色。而即將會在劇中出場的,就是應屆港姐兼友誼小姐陳熙蕊(Blossom)!

Blossom日前接受TVB《娛樂新聞台》訪問,透露將會在劇中飾演阿壯(焦浩軒飾)女朋友:「我個角色叫Grace陳凱琳,好搞笑,我初頭冇諗過係一個藝人嘅名,就係做阿壯嘅女朋友。呢個女仔係大小姐,但好快就散咗。」首次拍劇的Blossom更獲劇組演員鼓勵:「我入到《愛回家》之後發現大家都好Nice,好鼓勵我。其實我拍第一場嘅時候有少少病,喉嚨爭啲失聲咁濟,我初頭好驚,但佢哋同我講『唔緊要,聽唔出』,令我覺得好淡定。」

而劇集監製林建祥在接受《香港01》訪問時亦有確認消息:「又冇話入組嘅,大學生嗰條線係需求一啲新面孔,咁咪叫佢試一試,拍住先啦。咁啱劇入面個角色叫Grace,而佢出道時俾人話似Grace(陳凱琳),咁咪試下搵下佢。佢會有條分叉的感情線,仲會夾埋『大四喜』Rap睇下有冇火花啦。」

點擊瀏覽《香港01》更多內容和圖集

你可能感興趣:
【收視滯後報告】《牛下女高音》創下好成績 力壓內地劇《倚天》
【開心速遞】威龍售貨員Annie澳門閃婚 外公係江湖猛人崩牙駒