鍾鎮濤曾為兩餐拍低質電影 感恩圈中好友支持渡過低潮

1 / 1
鍾鎮濤曾為兩餐拍低質電影 感恩圈中好友支持渡過低潮

鍾鎮濤相隔十年於紅館開個人演唱會,日前作客TVB娛樂新聞台節目《StarTalk》,接受主播許文軒(Edmond)專訪,大談入行多年感受。他笑說:「好耐冇玩過Saxophone,依家要練嘴肌,因為咬唔實就會漏氣,咬得耐又會好攰,依家一星期要起碼有十個鐘嘅練習。除此之外,今次要挑戰打拉丁鼓,因為恭碩良做我鼓手之外,仲係我音樂顧問,我哋會一齊Jam,我都好期待呢Part。」

提到人生低潮時,他說:「當時日子好難捱,有工作就做,其實好陰功,我拍嗰啲片質素差到呢,但為兩餐,為屋企都冇計,其實好多演員就算幾大名都好,為咗生活都可能拍過呢啲自己講出嚟都覺得尷尬嘅戲。」

鍾鎮濤亦感恩一生中遇過不少好朋友,他說:「校長(譚詠麟)係我人生中最大嘅財富,佢幫咗我好多,今次演唱會佢亦係幕後黑手,仲幫我排Rundown。其實仲有好多好朋友都好關心我,呢啲係錢都買唔到。好似梁朝偉喺我低潮時俾我鼓勵,陳昇就叫我去台灣錄歌,張國榮亦介紹工作俾我,其實我兩年前先知道,原來佢當時叫投資嘅黃百鳴起用我拍《九星報喜》。」

點擊瀏覽《香港01》更多內容和圖集

你可能感興趣:
鍾鎮濤11月開紅館個唱 講明必請溫拿做嘉賓:驚佢哋唔肯落台
【延禧攻略】梁家輝、鍾鎮濤齊中劇毒娘娘上身 搞笑又重口味