鍾嘉欣化身安娜公主入晒戲

東方日報
鍾嘉欣以安娜公主造型上陣,主持聖誕亮燈。

藝人鍾嘉欣前日化身電影《魔雪奇緣2》中的安娜公主造型,在上海主持ifc商場聖誕亮燈,她笑言穿起服裝後不期然投入角色當中:「因為我都有一個姐姐,每次睇完呢部電影就想起我姐姐,我同姐姐關係非常好,希望大家都可以有個Anna咁樣嘅妹妹,佢永遠都支持姐姐,特別有愛。」她表示囡囡Kelly雖然只有三歲,但已懂得唱《Let it go》,更嚷着想跟她前來,因為囡囡想扮Elsa。問到會否擔心女兒有公主病?她說:「希望喺我同老公教育底下,囡囡冇公主病啦!我會畀佢扮吓公主造型,但相信唔會影響佢性格,屋企都唔會當佢公主去培育,從來冇叫過佢Princess,佢只係普通女仔,慢慢學做人,建立潛能。」

嘉欣揚言會好好裝備自己迎接2020年:「希望將來可以挑戰,可能殺手呀、或者童話裏面嘅角色、或者做一個媽媽,其實我覺得甚麼角色,我都好Ready。」說到聖誕節,她會在溫哥華家中與至愛度過,並為子女準備送給慈善機構的禮物,讓他們感受「Give的時候會更開心」。

鍾嘉欣