【金像獎2019】縱橫影視圈66年 謝賢曾遭霆鋒笑冇攞過金像獎

東方新地 - 娛聞

四哥謝賢昨晚獲得《第38屆香港電影金像獎》終身成就獎,好多網友都替四哥開心。16歲入行的謝賢縱橫影視圈66年,見證香港娛樂圈大半世紀,如今獲第38屆香港電影金像獎最高榮譽「終身成就獎」,絕對實至名歸,不過在圈中地位祟高、備受尊敬的他,原來曾遭兒子霆鋒笑佢冇攞過金像獎。霆鋒早年奪得金像影帝,更為此事而公開向父親道歉!

撰文:東方新地|圖片:新傳媒資料、TVB、東方新地

延伸閱讀:

新版《倚天屠龍記》開播 雲集8大女神級靚女演員

演性工作者=攞金像獎機會大增?呢5位金像影后都一擊即中!

謝賢 獲終身成就獎

謝賢成為今年金像獎終身成就獎得主,由特首林鄭月娥擔任頒獎嘉賓,林鄭在台上笑言自己從小看謝賢的電影長大,還即場問謝賢:「我覺得好奇怪,在環球戲院、國民戲院,總是看到不同女主角,但為何男主角總是得你一個?」謝賢笑稱:「我都不知道,當時可能是貪錢,我都是恨錢而已。」

「老竇,你先係最佳男主角」

謝霆鋒在2011年首封影帝時,在台上重提昔日寸老豆的往事:「以前老竇成日同我講『你知唔知你細個時,我已拍了幾百部電視劇、幾百部電影。』當我18歲攞新人獎時,返到屋企將個獎放在枱上同他講『咁你拍數百部戲,有無攞過金像獎?』此番說話便在我心12年,我知他今日在家看電視,希望他原諒當日這個不知天高地厚、無禮貌的小朋友,『老竇,你先係最佳男主角』!」

如今謝賢獲第38屆香港電影金像獎最高榮譽「終身成就獎」,謝家父子從此都是金像獎得主了。

 

謝賢與謝霆鋒

四哥謝賢 對感情態度瀟灑

四哥早年接受東方新地專訪時表示,自己不是外界所謠傳嘅花花公子,更講出不少自己做人哲理。四哥在數年前接受本刊專訪時,大談自己的做人哲理,其中一句最讓編輯深刻的就是「人可以風流,但不可以下流」。星惜天下欄目主持人鄭紹康(以下簡稱鄭)問四哥:以前你拍戲,會唔會有好多女明星主動追你?四哥答:唔通有好多靚菜,我要食晒佢咩?唔可能㗎嘛!人可以風流,唔可以下流。即係我同你拍拍吓拖,又出去搞搞震,咁對方會唔會鍾意你吖?唔會吖嘛!

四哥亦表示:「其實我係一個好專一嘅人嚟,一個還一個,我唔係人哋謠傳嗰啲花花公子,係女人都啱。鄭:當年聽到你同拉姑離婚,好surprise、好shocking!四哥:有咩好surprise,離婚係好簡單嘅事之嘛,簽個紙咪離婚囉!其實唔離婚都得㗎,佢出去搵老公,我出去搵女朋友囉!」

1936年出生的謝賢,原名謝家鈺,因為家中八兄弟姊妹中排行第四,所以人稱「四哥」。
四哥對感情態度相當開通。

四哥對感情態度相當開通仲話:「我心態好開通,我哋(指同拉姑)又唔係做錯事,全部係小毛病,合唔嚟,不如分開啦!我哋有一個仔一個女(霆鋒與婷婷),一條心希望培養佢哋大、等佢哋出身嘅時候,我哋先再嗌交,哈哈!」

與兒女各自各精彩

鄭:霆鋒細個有冇咩調皮嘢?謝:「我真係同佢唔係好熟,因為佢喺溫哥華學校係寄宿,禮拜六、日先返嚟,有時放假佢都同佢啲同學一齊玩,佢自細我就習慣佢有佢玩、我有我玩,如果有需要嘅時候大家傾。」

鄭:從來冇打過霆鋒、婷婷?謝:「冇,唔可以用打嚟教細路仔,如果你少少嘢都打佢,佢懷恨在心,第日打番你咪死,哈哈哈!」

3父女

鏡頭前兒女私人問題點到即止

鄭:近年同霆鋒溝通多咗,關係有冇再好咗?謝:「都唔係,佢近來都係忙到我心都痛,佢時時朝早六點起身去北京,夜晚返嚟,第二朝又去第二度,所以佢返到嚟,我一定唔會騷擾佢,佢返到嚟,想休息就休息、想搵我食飯就食飯。」

給予子女自由

當時霆鋒王菲復合的事傳得鬧哄哄,鄭問:聽講霆鋒同王菲復合?謝:「你點知係復合?可能朋友呢!佢嘅私人嘢我唔答!」

說到霆鋒感情生活點到即止

鄭:你兩個孫呢個歲數最得意、好玩!謝:「呢個時候最好玩,但依家咁嘅環境唔使問我啦,個個都喺報紙睇到啦!呢個天意,我哋接受嘅!」

謝賢與孫子Lucas、Quintus

鄭:會唔會同仔女傾感情事?譬如霆鋒離婚或者婷婷拍拖,你有冇同佢哋傾吓?謝:「我從來唔會擺老竇款,我做人做個榜樣,唔做錯事、唔做衰嘢、唔呃人,佢睇到㗎!」

謝賢與女兒謝婷婷

對自己有要求、勇於嘗試新事物

鄭:你身形keep得好好,係點keep㗎?謝:「我係堅持人唔可以俾年齡限制,將自己keep好啲,自己都舒服嘛!成日恐懼老乜都唔做得?假嘅!我依家乜都做到,我嗰日同霆鋒去內蒙,我仲揸沙漠車,好過癮,依家我仲想跳Bungy Jump,如果我死喺嗰度,嘩,幾過癮呀!」

相隔29年兩父子才有機會一起去旅遊

鄭:相處得非常愉快?(指今次二人相隔29年一起去旅行)謝:「依家仲唔愉快等幾時?就嚟嗰頭近啦!」

這一句雖然風趣但又帶點唏噓

實至名歸

在影藝圈縱橫67年終獲得電影終身成就獎,實至名歸。恭喜四哥獲獎之餘,其實四哥瀟灑的生活態度也值得學習,堅持自己的做人理念,風趣幽默也要謹記及時行樂。」

《第38屆香港電影金像獎》終身成就獎-謝賢

 

延伸閱讀:

袁富華經典對白:你唔係外賣仔! 由大茄做到最佳男配角