金像獎紅地毯女星衣著逐個睇

《第38屆香港電影金像獎》係噚晚(4月14日)舉行,觀眾除咗想知各大獎項花落誰家外,大家亦非常期待女星盛裝出席行紅地氈嘅情況。今年一如過往有女藝人以大Deep V、性感露背、大騷白滑長腿等等現身。我哋同大家睇下邊個最性感、邊個最靚啦!

蔡卓妍(阿Sa)
憑《非分熟女》競逐影后嘅蔡卓妍(阿Sa)平時嘅衣著都有信心保証,但今次依條裙竟然出咗事,裙嘅顏色太素再加埋啲花花圖案,真係有少少俗氣。

謝安琪
選擇著上黑色背部開窿西裝,美好身材若隱若現。

周秀娜
近年都好保守嘅周秀娜竟然一反常態,以大Deep V現身,更戴上價值七位數嘅首飾,成功將久違嘅性感再一次呈現觀眾眼前。

余香凝
著咗一條紅色裙,上身胸前透視嘅晚裝,下身紅色花裙,約隱約現好性感。

胡定欣
第一次參加金像獎嘅胡定欣,一身白色造型現身,可惜條裙好累贅,膊頭手臂設計成泡泡皺摺,完全將佢辛苦練返來嘅美好身段遮住,難怪網民劣評如潮。

薛凱琪
一條白色Lace裙,上身罕有谷胸,而下身約隱約現一對美腿。

文詠珊(Janice Man)
一身鮮黃晚裝再配襯價值7位數嘅珠寶踏上金像獎紅地氈,非常精神。

張靜初
一條紅色長裙,胸前大開,簡單得嚟都唔錯。

陳嘉桓
中門大開成功搶鏡,可惜條碎花長裙似足睡衣,再加上黑邊lace同谷胸,真係唔係個個carry到。

鄧麗欣
都算著得密實,不過紅色間條長袖長裙,著到成個「大紅燈籠高高掛」咁。

王敏奕
搵嚟香港設計師訂造一套黑色晚裝,既低胸又露腰。難怪佢話驚走光,要黐好多膠紙。

宋慧喬
以簡單黑色長裙亮相,胸前deep V,收腰設計更凸顯身材,更露出性感鎖骨,散發出優雅嘅女人味。

曾美慧孜
出爐影后曾美慧孜身型唔夠瘦削,著上軍綠色蓬蓬外套後,明顯變得臃腫。但
除咗外套後, 一條黑色Deep V長裙既簡約又高貴。