金像獎:唔玩實體頒獎禮 得獎名單延期公布

金像獎:唔玩實體頒獎禮 得獎名單延期公布

【金像獎入圍名單】 鄭秀文「雙提名」6度爭影后,古天樂硬撼郭富城爭影帝

第39屆香港電影金像獎今公布入圍名單,因新冠肺炎疫情,取消以記者會形式頒布,改由以電郵方式公布,而金像獎主席爾冬陞接受香港媒體電話訪問,談到今年金像獎是否因疫情而改變形式進行,爾冬陞說:「無錯,因為籌辦一個頒獎禮需要約四百人幫手,單單開會都已經有一定風險,所以上星期董事局方面決定,今年唔會有一個實體嘅頒獎禮,即尖沙咀文化中心或者九龍灣展貿都唔會有。而頒獎禮將會改由錄播形式進行,亦因為第二輪投票都因為場地問題,可能延遲評審去睇戲,所以,得獎名單公布日期亦唔會係四月十九日,實際日子未定,但依我估計應該會係五月中左右先公布。」

沙士都有實體頒獎禮

爾冬陞又指今年金像獎取消實體頒獎禮,以前從未試過,但因疫情關係,實在無辦法舉行一個有眾多觀眾的頒獎禮,他說:「當年沙士,都曾經諗過取消實體頒獎禮,但係最後都冇做到,今次係第一次取消實體頒獎禮,應該會以錄播形式進行。(難唔難取得共識?)都唔難,不過,頒獎細節要同好多單位再傾,好似播映機構ViuTV咁,都要再傾,同埋錄播嘅話,保密性都係一個問題,因為會喺公布結果之前錄影,依家好多嘢都要傾,大家要畀多大約十日左右時間去處理。」

唔想延期太耐

有多位內地藝人包括周冬雨、易烊千璽等入圍今年金像獎,有記者問爾冬陞,擔不擔心他們來港領獎會有一定困難?他謂:「呢個都有傾到,不過,第二輪投票完,我哋大約四月頭先拍,所以呢方面未有實則嘅方案。(會否考慮延遲舉行頒獎禮?)因為明年係金像獎頒獎禮四十周年,所以都唔想延得太後,影響咗明年嘅籌組,我估計五月中左右都會公布。(今次改形式會否有財政上的損失?)都有一啲,但可以接受,反而愈拖得長影響仲會更嚴重。(今年會唔會取消場刊?)唔會,因為咁多年唔想中斷,會以第二個方式去做,希望喺安全嘅情況下影相,留番一啲文獻。」他又指今年的投票人數為1,475人,比往年多了89人,而投票率則由上年的66.44%下降至60.63%,爾冬陞對於投票率維持6字頭,表示可以接受。

金像獎董事局口罩都唔夠用

影業現正進入寒冬期,金像獎方面會否有甚麼救助方案?爾冬陞指香港電影工作者總會正與各屬會傾緊,呢啲要等番佢哋去公布;至於因近期新冠肺炎嚴重,金像獎董事局會否做一些關心疫情的事?爾冬陞說:「我哋一向都做慈善項目『金像同行』,但因為依家疫情問題,我哋有好多嘢都唔能夠做,再加上我哋財政上唔係有好多錢,就連口罩,我哋開會都唔夠用。」