【重溫最索圖集】被指釣金龜 沈卓盈否認:「拍拖好正常!」

東方新地 - 娛聞

現年34歲嘅「沈大師」沈卓盈(Jess)早前離巢無綫,估唔到昨日就宣佈婚訊,仲公開同老公Calvin嘅甜蜜婚照㖭!一眾網民得知喜訊後紛紛送上祝福,也有人認為走性感路線的Jess樣靚身材好,仲有對超長美腿,婚後為配合丈夫低調作風而減少現身幕前,大歎可惜呢!回顧沈卓盈的情史,入行以來當然不乏裙下之臣,但她的擇偶條件也頗高,幾位前男友幾乎都是非富則貴,外界認定她是「釣金龜」,對此﹐Jess去年初接受本刊訪問也為自己平反!

撰文:東方新地 |圖片:沈卓盈IG、新傳媒圖片、無綫電視截圖

延伸閱讀:

進軍荷里活 殺入美劇界!陳法拉 同金像影后拍HBO新劇

貝依霖爆童年慘遭受家暴經歷 「佢打到我爆晒缸!」

34歲沈卓盈 宣佈婚訊

沈卓盈喺IG上載婚紗照並留言:「從不期望驚天動地的愛情,只求細水長流的甜蜜。不知不覺間原來我們的緣份源於十年前的一面,可是種子並沒有在那一刻萌芽。猶幸上帝的安排、緣份的牽引,令我們在四年前的那一天再次重遇,讓彼此加深了解,一起學習,一起成長,再一同走向人生的新一頁,成為相依相伴的伴侶。❤」

沈卓盈因為好鍾意英國同巴黎,所以婚照都喺呢兩個地方取景!

據知二人喺上年年尾去咗巴黎和英國影結婚相,當然唔少得喺巴黎鐵塔下留倩影,非常浪漫!

沈卓盈接受傳媒訪問透露Calvin上年年中求婚,過程開心又浪漫!而佢好鍾意法國及英國,所以婚照都喺呢兩個地方影,佢仲話暫時以工作為先,對生BB佢話講緣份。

2.16布吉完婚

沈卓盈今日出席活動回應婚訊,沈卓盈否認係閃婚:「想趁住白色情人節,先同大家分享呢個好消息,帶個驚喜畀大家,我喺2月16號喺布吉完成婚禮,成個儀式都喺當地舉行。由行禮音樂奏起,媽咪拖我進場已經好緊張,老公比我早喊,到我讀結婚誓詞時,我都忍唔住!」二人未決定否在香港擺酒,也未去度蜜月,暫時努力工作,生B就隨緣。

婚禮的姊妹團包括陳自瑤、徐淑敏、何傲兒等,被指「少婦聯盟」龔嘉欣、陳凱琳及譚凱琪冇份做姊妹,記者問佢哋是否知道其婚事,沈大師說:「其實得屋企人同兄弟姊妹知,事後同佢哋再慶祝,相信佢哋都明白,身邊好多親友都未知,趁今日一次過交代。」

左手無名指戴上法國珠寶品牌的對戒,

收到很多朋友的祝福,感受到大家滿滿的愛,在這裏我要感謝愛護我的家人朋友,和支持愛錫我的傳媒朋友等等 今天很想和大家分享一件喜事 — 我們已結婚了! 感謝主讓我遇到你,讓我常常感到被愛和幸福。 感謝你對我家人的關懷與愛護,令她們同樣感到被愛。 感謝你對我的支持和鼓勵,與我一起經歷人生的起與跌。 婚姻是愛情長跑的初段,期望我們可以一起手挽手衝過終點,相愛到老。❤ . . #J&C216 #js520💘 . . @theweddinggown_official

A post shared by Jess Sum沈卓盈💕 (@jessie_sum) on Mar 13, 2019 at 11:59pm PDT


Cover Girl選舉奪冠入行

沈卓盈02年參加無綫第四屆「《TVB周刊》Cover Girl選舉」奪冠入行,雖然多年來不乏演出及做主持的機會,但多被派以演花瓶、狐狸精的角色,代表作欠奉!

早年沈卓盈都有份影TVB月曆,佢同一眾小花、小生影水著相!

09年《古靈精探B》大跳鋼管舞

「沈大師」沈卓盈喺劇集《古靈精探B》有鋼管舞演出,動作較簡單,勝在夠火辣性感,播出期間成為一時熱話。

沈卓盈 朱晨麗
沈卓盈 朱晨麗

她曾參演TVB劇集包括《結·分@謊情式》、《衝上雲霄II》等。

沈卓盈: 我唔使靠托!

33C沈卓盈早年出席各大活動頻頻作性感打扮,露腿又拋胸,因而被封「新咪神」,外界更把她和「咪神」高海寧比較,不過沈大師當時表示:「我唔使靠托!」真材實料又堅挺咁話!

沈卓盈雖然成日作性感打扮頻晒胸,但佢一對白滑長腿才是標誌!

沈大師成日戰鬥格出騷,不過對腳又真係好修長!

現年34歲「沈大師」沈卓盈於去年底約滿離巢大台,告別工作了16年的無綫。

沈卓盈 朱晨麗
沈卓盈


入行前做兼職模特兒的沈卓盈,由唔識化妝到現在女人味出晒嚟,其玲瓏浮凸身材更是得天獨厚。

沈卓盈聲稱被非禮

沈大師早年在微博自爆遭旺角一名跌打醫生鹹豬手,佢話個醫生都好多圈中人幫襯,估唔到做出咁下流嘅签為,事後佢喺TVB經理人陪同下到旺角警署報案!

約徐淑敏行名店

Jess同徐淑敏因為合作主持《最緊要正字》而成好友,兩個女仔成日被影到收工後一齊唱K行名店,徐淑敏嫁黃浩後,都不時約埋一齊行名店!

擇偶條件高 被指釣金龜

34歲的沈卓盈擁有女人夢寐以求的S形身材,回顧佢嘅情史,先後戀上飛機師Simon,以及楊秀惠舊愛、金融才俊麥偉汶(Ray),到之後同家族經營內衣出口生意嘅富商Calvin拍拖,多年來外界指Jess舊愛全是非富則貴,擇偶條件甚好高,無寶不落!

沈卓盈入行冇耐畀本刊影到收工有男士揸架保時捷接收工!

沈卓盈同身家過億的金融才俊男友Ray拍拖3年,一直甜蜜,以為就快上岸做少奶奶,點知有傳出佢哋喺停車場嘈交,Ray激動到用網球拍打落沈卓盈架車度,之後有指沈無再返男友禮頓山豪宅。

前男友Ray

之後本刊影到佢哋仲一齊去大坑拍拖,之但係就相對無言,阿Ray食完嘢拿拿臨起身走人,一支箭去買咖啡,買完又無理旁邊女友,自顧自走去攞車,沈大師勁無癮喺後面跟住!結果⋯冇耐佢哋分咗手喇!

 

沈卓盈為自己平反

之後沈卓盈識到家族從事內衣生意嘅富商Calvin,男方家住禮頓山過億嘅獨立屋,其內衣褲貿易生意遍及歐美!JESS之前佢接受本刊訪問時,否認外界指佢釣金龜,話要為自己平反:「拍拖好正常,係每個人生活嘅一部分,只係外界經常過分放大我嘅感情生活,忽略咗我都有畀心機工作,演好每一部劇。我啲家姐24歲就結婚生仔,所以我自小就對愛情有憧憬,曾經渴望22至24歲就嫁人,希望有個幸福家庭,但依家我覺得緣份最重要,有啱嘅人我會試,唔得亦唔會勉強。」

年前本刊影到沈卓盈會合富商男友Calvin!
Calvin出入坐寶馬,仲有司機接送,好富貴!
沈卓盈
不過平日Calvin返其位於茘枝角嘅公司都會坐地鐵,其實都好慳家!

對住男友甚有原則的沈卓盈話過:「女人幾叻都好,最終都係要搵個好歸宿support自己。男友Calvin已經去到一個地步唔需要經我就約我啲家姐食飯,連我3歲嘅姨甥女都好鍾意佢,搞到我呷醋。」

沈卓盈加入無綫14年,她表示每個人的時間表和命運都不同:「入行多年我都只想做好自己,冇得同人去比較,個人積極心態係最緊要。」

少婦聯盟由來

電視圈近年女團當道,早年有佘詩曼為首的「七魔女」,後有胡杏兒領軍的「胡說八道會」,近年陳凱琳(Grace)龔嘉欣(Katy)譚凱琪(Zoie)、沈卓盈(Jessie)合組嘅「少婦聯盟」,當初組成嘅時候四個成員都未婚,當中陳凱琳與龔嘉欣三十歲都未到,何解會叫自己少婦?其實源自她們合作的無綫民初劇《平安谷之詭谷傳說》,四人在劇中都已嫁作人婦,在封建傳統社會欺壓下團結起來反抗。私底下四人一拍即合,圍內又講啲師奶嘢,所以美其名叫「少婦」,眾人開了WhatsApp Group分享邊度有減價,邊度有著數,仲會約埋一齊去百貨公司shopping。唔止少婦,其實仲好師奶。

06年尾合作拍《平安谷之詭谷傳說》,令陳凱琳、龔嘉欣、沈卓盈及譚凱琪變成好閨蜜,一齊開工一齊食飯,拍完劇仲keep住姊妹情,得閒傾吓師奶買嘢心得,佢哋話平時多在WhatsApp group溝通,內容都係啲無聊嘢。

沈卓盈 沈卓盈等「少婦聯盟」不時搞活動聯誼,打波、行街、食飯、整餅,總之柴娃娃的活動最啱呢班女人。

到新年「少婦聯盟」沈卓盈等人約埋一齊聚餐。
陳凱琳愛煮甜品,愛同沈卓盈等人得閒一齊整餅。
沈卓盈
沈卓盈

四女喺戲裡戲外更成為好友,friend到成立閨蜜團「少婦聯盟」,佢哋近排喜事重重,繼之前陳凱琳添丁,依家到沈卓盈結婚,相信喜事隆續有來,恭喜晒喇!

沈卓盈
由陳凱琳、龔嘉欣、沈卓盈及譚凱琪組成,不同性格背景的四人走在一 起,卻默契十足,是非欠奉,陳凱琳話:「因為我哋四個真係唔係好是非嘅人。」
早前沈卓盈等「少婦聯盟」為紀念成團一年,搵攝影師化妝師仲book埋酒店房影了多輯噴血性感照,除了穿上黑色泳衣在浴缸內擺pose外,還有大騷美腿的床照。
據知沈卓盈四女還有大量未出街的性感照,噴血程度直教成員男友問罪,為此龔嘉欣話:「冇喇!冇喇!唔敢再公開喇!」

延伸閱讀:

余文樂囝囝余初見正面照曝光 網友:一睇就知係你DNA!