鄺潔楹約定伴「旅」 西班牙蒲吧

東方日報
鄺潔楹難忘每日在馬爾代夫暢泳。

「仙氣女神」鄺潔楹(Judy)去年年底到馬爾代夫拍無綫節目《3日2夜》,難忘每朝在Resort一起身見到靚景:「啲魚好似Baby Sharks咁喺腳邊游過,真係好感恩地球仲有咁靚嘅地方。」

Judy計劃疫情過後,會去西班牙旅行:「因為好朋友今年結婚,本身諗住朋友結婚前,成班人一齊出Trip玩,但因為疫情爆發,我哋冇再討論幾時去,所以如果疫情過咗,一定要再同朋友約幾時出trip!」並指會嘗盡當地小食及去酒吧,感受熱鬧氣氛。

美景當前,鄺潔楹玩到唔願走。