鄭融賣命上天下海4簽生死狀

東方日報
鄭融今次去拍《神奇旅俠》,笑言搵命博。

香港開電視日前舉行節目巡禮預告明年新節目,鄭融到馬來西亞拍攝旅遊節目《神奇旅俠》,為了玩刺激玩意,簽下四次生死狀,認真刺激。梁思浩則歸隊主持《經典怪談》,晚晚「免費」嚇觀眾。

《香港開電視2020年節目巡禮》日前假尖沙咀瑰麗酒店隆重舉行,逾300位廣告客戶到場支持,近50藝人出席包括梁思浩、陳啟泰、鄭希怡、鄭融、Amanda S.、楊思琦、陳倩揚、沈卓盈、黃心美等。香港開電視預告明年新節目秉承「多元創新 香港精神」,除了一貫王牌時事資訊及財經節目,娛樂節目、深度旅遊、健康、飲食,中、日、韓熱播劇集應有盡有。

鄭希怡家鄉尋美食

重頭節目要數鄭希怡、鄭融、Amanda S.、梁諾妍到上海、新加坡、倫敦、馬來西亞等地拍攝的《神奇旅俠》、梁思浩的《經典怪談》、陳啟泰與黃又南10年後再合作的《福爾摩沙自駕遊》、李純恩考證金庸筆下江湖的《看金庸遊天下》及繼續添食的王牌節目《臥底旅行團3.0》。

鄭融到馬來西亞拍攝《神奇旅俠》玩盡刺激玩意,更要動筆簽下四次生死狀,她說:「喺樹林玩空中飛索、水族館潛水睇鯊魚,吊到五、六十樓高食晚飯睇夜景,仲有出海玩Flyboard。最驚係同鯊魚潛水,自己都心大心細,唔係攝製隊游說,真係唔敢玩,啲鯊魚游到好近,好似睇我唔到咁呀!」鄭希怡返家鄉上海介紹老上海美食及潮爆新餐廳,最難忘是重遊舊居,勾起美好回憶。

《怪談》創錢途

梁思浩的經典節目《怪談》拍攝了500多集,一做13年,3年後先以《經典怪談》回歸晚晚嚇觀眾,他笑說:「最大嘅喜訊係以前要畀錢睇,今次免費晚晚有得睇。其實最初搵我推咗嘅,因為3年前係一個完結,上次做咗13年,自己諗2020年再做,可能會係下一個10年。」他笑言《怪談》帶給他錢途,帶挈賺了兩層樓,但最開心是節目深入民心,成為經典。

沙律馬俊怡浪漫浸溫泉

五位美少女馬俊怡(Rose)、張沛樂(沙律)、劉沛蘅、羅堃尉及熙琳將到日本東京、北海道、沖繩等地拍攝節目《美少女日本民宿》,介紹貼地的特色民宿及特色活動。Rose與沙律未出發先興奮,笑言拍攝旅遊節目預了增磅而回,Rose說:「我會盡量克制,希望唔好肥咁多。」沙律則說:「好難唔肥,拍旅遊節目待遇好好,實會周圍搵好嘢食。」

二人經常去日本,仍是百去不厭,Rose直言想去北海道:「落雪就夠晒浪漫,住埋民宿仲好Feel。」張沛樂喜歡拍旅遊節目,像跟朋友去旅行,今次最希望浸溫泉放鬆一下。

沈卓盈夠食力唔怕肥

香港開電視廣邀知名藝人助陣拍攝新節目,像沈卓盈、倪晨曦會主持節目《五星級絲打》,介紹城中熱爆餐廳、蒲點及扮靚資訊,並分享獨門扮靚心得。問到在節目中要介紹美食可會擔心增磅?沈卓盈笑言不怕:「我好食得o架,不過,當然要做運動啦,呢個節目好啱我。」

宋熙年、蔡瀚億與張紋嘉的節目《宜居住遊行》則緊貼社會脈搏,介紹適合香港人居住的外地「筍盤」;黃淑儀和陳倩揚則到日本拍攝《揚GI甘露》講飲講食又大談婆媳關係;黃宇詩和陳圖安的《拾味人生》將十道菜式的故事娓娓道來;新手爸爸黃澤鋒則主持《「我的志願」速成班》,培養小朋友成為「成功人士」。

香港開電視2020年節目巡禮假酒店隆重舉行。
沈卓盈四出介紹蒲點美食,不擔心增磅。
倪晨曦咁瘦,大把「食力」。
馬俊怡(左起)、張沛樂、劉沛蘅、羅堃尉及熙琳,未出發去日本已好興奮。