鄭世豪帶頭組「廢柴同盟」

東方日報
陳偉琪戲內戲外都點鄭世豪做阿四。

無綫處境劇《愛.回家之開心速遞》女權天下,劇中男角甘願變廢柴!鄭世豪、許家傑、歐瑞偉和杜大偉早前表示想組成廢柴男團,「細龍太」陳偉琪笑言戲內戲外都改不了口,直呼鄭世豪廢柴。

「細龍太」陳偉琪早前與鄭世豪為《愛》劇開工,在荔枝角街頭拍街景。提到「老公」有意組廢柴男團,她笑說:「劇中成日寸佢,現實都抽離唔到,有時食飯會唔覺意叫佢廢柴!但係我哋之間好親切,當係屋企人一樣,畢竟拍咗3年,同佢開工互寸係好開心!(佢戲內戲外都對你好恭敬?)唔係囉!戲外有時蝦我,但佢真係好似大哥哥咁照顧我。有時我會點佢做嘢,有次佢買咗咖啡冇問過我,我就嬲,話你即刻同我出去買多次,佢又肯喎,幾好、幾可愛呀!佢係一個無微不至嘅男人。(現實搵老公搵呢種就好?)真係有啲困難!」

鄭世豪、許家傑、歐瑞偉和杜大偉四個大男人劇中愈廢愈開心,許家傑笑說:「我哋四個將會組成新嘅男團,叫做『廢柴同盟』,集合咗劇中大食懶、最唔做嘢嗰四個!」歐瑞偉和應:「我哋真係好廢(口架)!」鄭世豪亦笑說:「我成日畀細龍太話廢柴老公,我哋堪稱廢柴四寶。」

大男人逐個認衰

之後他們逐一分享個人最廢之處,杜大偉表示買股票輸到貼地;許家傑自嘲數口差;歐瑞偉自以為醒目,實則是另一回事;鄭世豪則做甚麼都錯!許家傑又表示組成「廢柴同盟」不是因為男人懦弱,而是身邊有強勢的另一半而已。

四個大男人搞咩咁凝重?原來係傾緊組成「同盟」!