鄧麗欣落場圓夢特訓男排

東方日報
熱愛排球的Stephy,終於有機會在鏡頭前大顯身手!

藝人鄧麗欣(Stephy)、鄭浩南、袁富華及張慧儀等,昨日出席ViuTV舉行的2020年節目巡禮發布會,向來熱愛排球的Stephy夢想成真,參與拍攝以排球為題材的劇集,將飾演男排教練,並親自落場騷球技!

ViuTV在發布會上公布六大重頭劇,包括Stephy參演的《男排女將》、徐天佑與吳海昕合演的《二月廿九》、談善言的《打天下》、久違回歸香港拍劇的鄭浩南演出《地產仔》、周家怡的《嘆息橋》,以及黑色奇幻劇《黑市》。

講夢想免提酬勞

Stephy劇中飾演男子排球隊教練,她坦言夢想成真:「一直好想拍排球題材嘅戲,依家終於拍到,好開心!以前都有人傾過拍成電影,劇集篇幅長,會仲好睇。(酬勞好吸引?)講夢想好少講酬勞嘅,難得遇到好劇本。」劇集將於12月開拍,她預告會親自落場教打波。提到她憑《金都》入圍金馬獎「最佳原創歌曲」,她對此大感興奮,但明言當天不能出席盛會。此外,提到好友區文詩(Angela)被拍得與一個「餅印」小孩出入,是否已秘密當媽媽?Stephy說:「親戚嚟咋!」

湯寶如彭家麗唱金曲

至於鄭浩南專程從外地回港出席活動,他表示在劇中飾演一名良心地產公司老闆:「依家好多人覺得香港好亂、香港唔掂,但我認為掂唔掂係自己點睇,應該正面去睇。雖然啲人會講『你梗係啦,移咗民,外國又有樓,講風涼話!』但呢個係我出生地,好多朋友識我都係因為呢個地方,而導演搵我返嚟拍戲,亦係因為呢個電視台嘅衝勁,令我有興趣返嚟拍劇。」

除了劇集外,ViuTV還有旅遊及音樂節目,Mr.主音布志綸(Alan)現場演唱《寂寞是幫兇》主題曲。至於湯寶如、彭家麗和鄧建明為音樂節目《CHILL CLUB》擔任主持,三人即場獻唱各自的大熱金曲騷Quali。

廖碧兒悉心打扮。
彭家麗(左)、鄧建明、湯寶如唱兩嘴。
談善言踢腳顯功架。
布志綸