鄧麗欣草上飛 王子冧歌傳情

好Sweet咁!

藝人鄧麗欣(Stephy)早前傳出因疫情關係,導致與台灣男友邱勝翊(王子)多月冇見感情現危機,更有指疑似翻撻舊愛方力申!事後Stephy透過經理人否認傳聞,而日前Stephy更新社交網,王子亦有隔空甜蜜互動,力證二人情不變。

Stephy開心到飛起。

Stephy晒出一張於草地上跳高,喺半空中飛舞嘅照片,並留言:「一切事物,自然來去,像天上的雲,不貪、不執」,即獲王子回覆:「原來你是Michael Stephy」,笑指其動作似足其偶像籃球之神Michael Jordan嘅招牌動作。

冧歌有情人!
晒埋老鼠仔!

另邊廂,王子則上載工作照,又拍片親自彈琴演奏歌曲《讓我守護你》,唔知係咪憑歌寄意送畀Stephy呢?不過其好友曹格就錯重點,指着上小背心嘅王子一邊彈琴一邊騷出「老鼠仔」,搞到佢分晒心:「都沒認真聽你在彈鋼琴......只一直看着你的手臂。」