鄧麗欣密密食幸福肥

東方日報
鄧麗欣唔黐身,喜歡與男友保持私人空間。

鄧麗欣昨晚在太古城出席活動,一身Tube Dress非常搶鏡,她說:「小兒科啫!不過件衫有啲重量,要肥啲先托得起。(幸福肥?)咁問梗要話係啦!」並透露會在新片中演排球教練:「所以要肥少少,我依家喺屋企少食多餐,個嘴可以唔停。(唔去台灣探男友?)我有嘢做,佢嚟過又走咗,佢遲啲都接咗工作,開戲前可能會再見,唔使成日見,大家有少少私人空間好吖!」

同場的麥子樂在ViuTV新劇《地產仔》中演裝修師傅,開工前勤練大隻,因導演要求他散發「麻甩味」:「平時都有做運動,只係難忍口,我咁鍾意食嘢!」為投入角色,他曾去睇人裝修偷師:「學咗啲手勢同動靜,我都有個底,事關同媽咪住,有咩都係我搞掂,唔通要佢做咩!」