鄧月平「壞腦」暴肥42磅

東方日報
因增肥而賀爾蒙失調的鄧月平,花了很多工夫減磅。

藝人鄧月平(Larine)出道以來,憑靚樣及巨胸身材備受注目,但她去年為電影犧牲,由101磅谷肥至143磅,花兩個月瘋狂進食,一日六至七餐,睡前消夜餐單有雪糕及快餐,更以麻辣火鍋做早餐,相當誇張!

Larine飾演壞腦肥妹,四處呃呃騙騙,導演陳果特別要求她增磅、戴眼鏡及拎拐杖配合角色,對年僅22歲的她來說是極大挑戰!她說:「初頭我恃住青春冇嘢驚,但之後開始賀爾蒙失調,用咗好多時間調理身體。」雖然大犧牲,但她還是很喜歡這個肥妹仔角色:「影后曾美慧孜講過『戲比天大』,我覺得終於有個脫胎換骨嘅鄧月平畀大家見到,只係當時增肥好低調、好保密,好多朋友以為我退出娛樂圈,仲問點解我自暴自棄,搞到咁肥!」

鄧月平增肥期間日食六、七餐,被誤會自暴自棄!