鄧月平地獄反彈做女廚神

東方日報
鄧月平落足心機炮製美食。

藝人鄧月平(Larine)、陳欣妍(Shirley)及余逸思(Yoshi)前晚在ViuTV綜藝節目《辣伙頭》進身三強決賽,她們需要在兩個小時內完成包括頭盤、主菜、甜品的套餐,結果大熱Larine成為首屆女廚神,當場開心到跳起,更攬住蘇菲和郭奕芯等激動落淚。

熱情如火

Larine以頭盤中式煎帶子伴分子大紅袍橙汁、主菜辣味豬腩肉pasta、甜品芝士伯爵菜蛋糕配四川幸運曲奇,成為冠軍菜,相當創新,原來她是以自己作為菜式主題,她說:「比賽入面曾經迷失過,但我撐落去,今次嘅主題係『我』,第一道餸係我畀人嘅感覺,第一啖食落去冰冰涼涼,但認識我嘅人會發現我熱情如火,所以我整咗個辣嘅意大利飯,到最後其實我都有Sweet一面。」

不過比賽中途,主持兼評判陶大宇指Larine的豬皮不夠脆,Larine聞言後即面露失望之色,並說:「我聽完彈之後,覺得摧毀咗我成個人,當下就跌咗落地獄,到之後宣布冠軍嗰陣,又由地獄上返地面,嗰吓感覺都有啲空白。」

鄧月平(左)贏得冠軍,攬住大家齊齊喊。
Larine捧走獎座,陶大宇亦豎起拇指讚賞!