鄧建明開騷「紅乜」男歌手撐場

東方日報
鄧建明笑言儲夠歌,所以再開騷。

歌手鄧建明(Joey)昨日為11月20日在Star Hall舉行的《Joey Tang Music Playground 2019》舉行記者會,今次是他相隔十年再開個唱,他說:「都要儲吓歌先,儲夠喇,又發覺真係好耐冇見歌迷,加上完咗太極演唱會後,我少咗出嚟演出,咁啱中學嘅師弟話幫我開騷,唔知係咪以前我喺學校演出佢哋睇過,想再睇啦!」問他會否碌爆人情卡?他搞笑暗示親自聯絡了李克勤:「第一個打畀唱『紅乜』嘅男歌手,因為首歌係我當年第一次入錄音室錄彈嘅歌,你知佢好忙,但佢冇問我幾時開,就答我:『冇問題!』」

至於可會父子兵演唱?Joey說:「阿仔過咗澳洲讀書,佢初頭有唔習慣、唔開心,依家住咗3個月開始適應,所以諗住憑歌寄意,唱啲歌隔空送畀阿仔聽,同佢打氣。」