鄧卓殷唔認拍拖郭子豪扭擰合照

東方日報
傳出「偷食」風波後,郭子豪、鄧卓殷昨晚同場,但扭擰一輪才肯合照。

藝人郭子豪最近被指背住女友「偷食」港姐亞軍鄧卓殷,這對新聞人物昨晚同出席無綫慈善節目,雖然女方昨午揚言不介意同場合照,昨晚二人卻玩捉迷藏,不肯合影,幾經擾攘最後才肯合照,明顯有避忌!

昨晚無綫直播《公益金萬眾同心50年》,昨午舉行拜神儀式,出席的鄧卓殷(Amber)否認與郭子豪拍拖,指對方跟他分享工作及生活上的壓力,於是帶他返教會,並不清楚其感情事。問到是否被追求?她說:「只係一齊返教會,依家我專心工作。」有指子豪背女友Karen暗撻她,令她變「小三」,鄧卓殷明白入行後要面對輿論壓力,沒有放在心上,她不認識Karen,他們的感情事由他們回應。

感恩帶領返教會

昨晚的節目中,郭子豪與伍允龍、麥凱程一起玩引體上升籌款,子豪到場時明顯忌諱與鄧卓殷影相,扭擰一輪後才合照,記者問他是否有欠大方,他卻說:「我OK。(承認戀情?)好似佢今朝咁講啦,我呢半年發生太多事,屋企、寵物、私生活同埋分手,面對種種壓力,好幸運識到佢,帶領我搵神幫助,好感恩!(佢功勞咪好大?感情跨一大步?)冇諗呀!」

對於舊愛指他講大話,他再三強調雙方年初已分手,拍拖三年關係有如家人:「判決嗰朝凌晨有見過佢,裁判當晚我有揸車去佢屋企樓下傾咗個幾鐘,佢一直扶持我。(佢係咪收錯訊息以為你翻撻?)絕對冇!佢同我講已有追求者,大家係有個支持式嘅再見擁抱!再見亦是朋友,希望有個開心Ending,唔好抹黑佢。」

「令我好舒服」

問到如此維護舊愛,會令新歡Amber身份好尷尬?他說:「佢唔係新歡,係扶持我嘅教友,令我好舒服。(你哋仲未肯公開?)未諗咁多。(地下情?)唔好咁講。」

昨午拜神的藝人還有衛詩雅及陳家樂,詩雅兩周前被羊咬傷右腳腳踭,之後傷口遭細菌感染,已睇醫生及食藥。而家樂與主席要拉動坐上50人的14座小巴籌款,為此他努力做Gym增肌。