郭羨妮陪囡囡溫書被嫌煩

東方日報
郭羨妮出席慈善跑活動,展現活力一面。

藝人郭羨妮昨日為慈善跑主持剪綵儀式,她稱現年七歲的女兒Kylie原本也想參加,但奈何要為測驗溫習,所以未能到場:「最近兩日我都有陪佢溫書,但佢就話唔需要我陪,佢搞得掂,佢嫌我煩。佢讀書好大壓力,佢讀傳統學校,有時都會想佢早啲過加拿大讀書,或者改讀國際學校。」

她指女兒的學業一直由她全權負責,因內地武指老公朱少杰忙於工作,問到老公的工作有否受大氣候影響而減少?她坦承:「係少咗,因為有好多規限,又好多嘢唔拍得,我嘅工作都有影響,工作少就多啲親子時間陪個女。」至於會否再拍劇?她自言拍劇太辛苦,並自嘲:「我唔係年輕時,如果真係拍,會揀啲未演過嘅角色。之前拍電影《尋秦記》拍到最後好辛苦。」

郭羨妮出席慈善跑活動,展現活力一面。