郭羨妮內地開工虧欠個女

東方日報
郭羨妮搬屋花了一大筆,笑言要努力搵銀。

郭羨妮昨午出席兒童時裝周記者會,談到近月在內地拍攝《尋秦記》電影版,坦言辛苦:「啱啱開拍時着羽絨,後來愈嚟愈熱,着住戲服汗流浹背。」又指7歲的女兒上學期大考,她只可以透過視像幫囡囡溫書!母女倆更因互相掛念而哭,她說:「佢依家聽到我要做嘢就好驚,成日驚我唔返屋企瞓。」整個暑假女兒交由郭母照料,令她覺得有所虧欠:「拍戲太過體力透支,呢段時間我會休息,陪吓個女。」

早前郭羨妮放售將軍澳單位搬往九龍居住,她說因為方便女兒上學:「以前住將軍澳,返學放學來回三個鐘,搬咗之後,15分鐘就到學校,搬一搬使咗好多錢,真係要努力工作喇!」