郭秀雲母子鼓動耆心

東方日報
郭秀雲與兒子龐景峰希望透過活動,鼓勵「老友記」郁多啲。

藝人郭秀雲與兒子龐景峰昨日出席「獅籌之路.傳承孝道」活動時透露,兩母子於節目內會一起表演舞獅。負責舞獅頭的她表示,從小受熱愛武術的母親影響:「我唔鍾意打拳,鍾意動物,扮獅子會好生動,但我只可以舞獅頭,舞獅尾唔夠力。(有冇試過受傷?)都有小傷,拍戲先有大傷。」龐景峰則指平日以打居多,未曾玩過舞獅,問到母子間可有默契?他們同聲表示問題不大,郭秀雲更說:「希望借呢個活動,鼓勵多啲公公婆婆做運動。」

而擔任健身、武術教練一段時間的龐景峰,表示閒時也有於公園免費授課:「我連一歲幾嘅狗仔都訓練佢跑步,有時半夜叫媽咪一齊跑,不過多數都係佢去終點接番我去食嘢。」