郭晶晶3個夠熱鬧宣布封肚

東方日報
郭晶晶

「跳水王后」郭晶晶、李日朗、港姐季軍丁子田及名模Amanda S.等,昨日出席慈善保齡球大賽,晶晶老爺霍震霆亦在場。今年初誕下第3胎囡囡的晶晶看似收身成功,但她笑言:「仲未瘦夠,差幾磅。(特別Keep Fit?)唔係,餵母乳就自然瘦。」並透露囡囡改名Laurina。她指今胎是計劃之內,但笑言已生夠:「3個都幾好,屋企好多聲音,好熱鬧。」

老爺開心湊孫

晶晶指大仔很錫兩個妹妹:「佢都想幫手湊,但係唔知點湊,所以叫佢小心啲。(湊3個辛苦?)唔會,哥哥已經大個,可以照顧自己。(老公霍啟剛錫晒兩個女?)唔會,佢全部都錫。(老爺係咪好開心?)好開心,有時間會過嚟同佢哋玩。」

同場的李日朗透露會落場比賽,自言打保齡球叻,更曾參加公開賽,又自爆左腳患痛風:「連保齡球都攞唔起,因為身體平衡唔到,依家要每日Keep住食藥,食完先可以自由活動,今日會盡力打。」

霍震霆參與保齡球活動。
李日朗左腳患痛風,試盡民間偏方療法。
郭晶晶照顧三個仔女,笑言全屋充滿歡樂。