郭晉安譚俊彥嘆不復當年勇

東方日報
李嘉兇神惡煞追斬譚俊彥,搞到佢出埋鉸剪腳頑抗。

郭晉安、譚俊彥拍攝新劇被大隻佬李嘉追斬,兩人一仆一碌走避,場面驚險!安仔表示劇集即將拍完,不捨得劇組之餘,亦希望盡快剃鬚:「個女嫌棄我啲鬚唔肯錫我呀!」

郭晉安及譚俊彥(Shaun)昨日到元朗大棠拍攝劇集《失憶24小時》,講述兩人被李嘉追斬,身形健碩的李嘉持刀揮舞,安仔及Shaun一仆一碌逃走。

剃鬚等女錫

安仔表示劇集即將煞科,每次拆場景都感到不捨:「由開始大家好生外冇乜嘢講,到愈來愈有默契。」Shaun亦說:「有啲幕後朋友做埋呢個星期就走,更加唔捨得!」聖誕及除夕他倆都要開工,不過另一半不會見怪,安仔笑說:「佢哋好專業o架喇!知我冇時間陪佢,會自己搵節目,我就希望快啲拍完剃鬚,依家個女唔肯錫我呀!」Shaun笑言雖然子女年紀尚小,但已習慣他每逢節日都要開工:「個女出世我都冇乜點陪!屋企人好體諒,但冬至我有煮咗餐飯,個女好開心話有得一齊食飯。」

大家安全收工

講到拍追斬戲,兩人表示體力消耗甚大,自嘲身手不復當年,安仔說:「要真跌真撻,始終膝頭有舊患,好在有替身。」而Shaun直言仔細老婆嫩,開始要錫身:「我冇做特技人好耐喇!」至於李嘉今次並非演武林高手,要打得毫無章法也有難度,對於被安仔及Shaun讚溫柔,會控制力度不會打傷他們,李嘉說:「最緊要大家安全收工!」

郭晉安、譚俊彥走到氣咳。
其實大家好Friend嘅。