郭富城華鼎稱帝焗忍口「女配」周家怡險甩裙!

東方日報
郭富城憑《無雙》登影帝寶座,實至名歸!

中國華鼎獎昨日在澳門舉行頒獎禮,郭富城憑電影《無雙》勇奪影帝寶座,影后則由電影《找到你》的馬伊琍奪得!賽前被扶手電梯攝住晚裝裙險走光的周家怡,攞「最佳女配角」定驚,而張藝興則獲頒「最佳男配角」!

郭富城、周家怡、何天兒(前名何傲兒)、傅穎、孫耀威、梁競徽、溫碧霞及孟瑤等,昨日在澳門出席《第25屆華鼎獎頒獎禮》,何天兒以一襲高衩裙現身紅地氈,笑言正吃營養師餐單,希望排毒去水腫;孟瑤與溫碧霞性感現身,其中溫碧霞更不慎凸點!

不過談到「是日之最」,一定是穿上低胸晚裝裙的周家怡,當她聯同郭富城及導演莊文強代表電影《無雙》踏上紅地氈時,怎料卻在扶手電梯「遇險」,裙襬一度被扶手電梯攝住,令她大驚,死命按實條裙以免被扯甩走光,幸好工作人員第一時間按停扶手梯,她才力保不失,但已嚇到面青!事後接受訪問時,她驚魂未定地說:「最驚影響到其他人。」

望挑戰新角色

電影《無雙》共有6個提名,最終郭富城撼贏同片的周潤發及勁敵徐崢、鄧超等,勇奪「最佳男主角」;而馬伊琍憑電影《找到你》揮低章子怡及姚晨,奪得「最佳女主角」。領獎後郭富城在後台受訪,他說:「每次得獎心態都一樣,當係一種獎勵,勝固可喜,敗亦欣然,會拍好每個作品。今次獎項係由觀眾投票,就更加打咗支強心針!我一向劇本行先,會細心揀,唔想重複自己,會演唔同角色。(打邊爐慶祝?)唔可以,因為要開演唱會。」

張藝興捧男配

周家怡憑《無雙》獲頒「最佳女配角」,算是為「甩裙」驚魂定驚兼呵番,她對得獎大表高興:「好開心,呢個係我第一個電影女配角獎,亦好開心可以為《無雙》加添一個獎,頭先上台領獎嘅時候好緊張,講漏好多嘢,想多謝經理人同一班朋友,我愛你哋!」而「最佳男配角」則由EXO內地成員張藝興憑《一齣好戲》奪得。另外,「最佳導演」得主為《我不是藥神》導演文牧野,該片同時奪得「中國最佳影片獎」;資深電影人吳思遠則獲頒「終身成就獎」。

(特派記者陳偉立、鄭家俊澳門報道)

馬伊琍封后
馬伊琍憑《找到你》封后,贏得熱烈掌聲。
周家怡
出爐「女配」周家怡,賽前裙襬被捲入扶手電梯,非常狼狽!
收身成功的何天兒,以一襲開窿裙展現美好身段。