郭富城爆囡囡貪靚

東方日報
一講囡囡,郭富城勁風騷。

影帝郭富城昨日出席護膚品牌活動,53歲的他坦言20多歲開始護膚,自爆年輕時因化妝導致粉刺多,加上近年演孫悟空及露宿者,搞到皮膚敏感:「所以依家半年左右去做一次facial,等皮膚復原。(囡囡貪靚?)佢一歲幾人仔,都會攞媽咪嘅唇膏嚟搽,又會攞個粉撲拍面。佢有個手袋仔,唔知裏面有冇化妝品呢?」問到太太的預產期?他繼續封口:「下次先同大家分享。」

提到內地放寬香港電影的限制,城城認為是好事:「令多啲內地觀眾認識港產片,香港製作人要團結,終極目標應該係全世界都欣賞到港產片。」