郭富城愛駒跑第二袋30萬獎金

東方日報
城城拖實方媛風騷揮手。

天王郭富城愛駒「舞士精神」前晚首次在跑馬地馬場出賽,他與太太方媛到場支持。城城對愛駒充滿信心,指牠狀態不錯,惜檔位較遜色:「檔位係第十檔,支持吓囉!(大熱門喎!)好擔心馬迷會盲目投注,一出賽就要投注,有啲嘢係要試,唔好辜負馬迷期望。(想佢錦上添花?)當然想佢贏,練馬師同我都想。」問到會否落重注?他笑稱不會:「唔好以為馬主會落重注,我上次都冇落注。養馬係樂趣,希望跑得好,馬主會有獎金。」

「舞士精神」往績不錯,更試過跑第一,問到是否已經開始賺錢?城城笑說:「未咁快,一路希望佢升班、有進步。(想做馬王?)唔會諗到咁快,希望佢健健康康,可以出賽已經好開心。」「舞士精神」最後跑第二名,為他贏得逾30萬獎金。

有馬迷手繪「舞士精神」,邀城城簽名。
方媛與小美手指指、密密斟。