郭奕芯低胸搶Fo洛兒凸襲還擊

東方日報
陶大宇(右)與郭政鴻自認嚴謹,試過鬧喊參賽者。

女星洛兒與郭奕芯參加ViuTV烹飪節目比試廚藝,未鬥廚藝,郭奕芯穿上低胸裝吸睛,先聲奪人!至於洛兒穿緊身T恤「凸」顯上圍,自言靠美食俘虜評判,絕不以美色搶分。

陶大宇與敦政鴻為ViuTV烹飪節目《辣伙頭》擔任主持,昨日與八位美女準廚洛兒、郭奕芯及鄧月平等舉行記者會。洛兒曾於無綫節目《美女廚房》擔任美女學徒,她否認喜歡參加烹飪比賽,只是與飲食有緣:「上次喺節目我係地獄廚神,依家有進步,希望可以洗底,唔好咁快被淘汰。」郭奕芯則說:「自己唔係地獄廚神嘅級數,但亦唔係廚師水準,我哋八個女仔廿幾歲,煮到都算係咁。」

拒用美色

穿低胸裝的郭奕芯被問可會出嗲功冧評判?她說:「我唔係行呢個路線,唔識得好柔情去嗲人,希望我哋煮嘅嘢食,佢哋會鍾意。」洛兒亦自稱是「實際派」,不會用美色俘虜評判。

陶大宇與郭政鴻透露負責試食,下廚交由八位美女,又稱批評時絕不留情,試過令參賽者眼泛淚光,非常不好意思,陶大宇說:「睇完佢哋嘅基本功,最好唔使我煮啦!佢哋真係煮得好好,好有Heart。」他強調節目不似《美女廚房》,不會出現「地獄廚神」,不擔心食到嘔。敦政鴻亦說:「佢哋好認真去煮,有苦練過。」

「要檢討吓」

問到參賽者穿低胸裝或出嗲功可會加分?陶大宇笑言:「我哋真係要檢討吓,佢哋冇嗲過我哋,我哋都幾型吖,但係冇被人撩!」

郭奕芯(右)與洛兒拒絕用美色俘虜評判。
側面睇更加激「凸」。
鄧月平收起「最強胸器」,風頭被搶。