郭可盈揀靚女:美麗與智慧並重

東方日報
林文龍與郭可盈罕有帶女兒出席公開場合。

新上任亞視副總裁林文龍,偕擔任評審的太太郭可盈與女兒出席亞姐總決賽,可盈表示:「我10年冇喺幕前見觀眾,當然要支持老公!記得選港姐時亦有演藝潛質大獎。依家選美其實唔簡單,啲女仔樣樣都要識,要多方面挑戰,要克服多方面要求!」問她可有被邀拍劇?文龍搶答:「其實我講咗,唔係我哋話事,係個女話事。」可盈補充:「佢(囡囡)10歲,好乖,我哋感情好深厚,想多啲時間陪佢。(有冇戲癮?)唔係冇嘅,要睇角色同劇本。」

可盈覺得亞視廠房具規模,對於評選亞姐,離不開美貌與智慧並重,以及臨場表現。提到有關亞視被指斷供員工強積金,林文龍即派定心丸:「我嚟得呢度做,要話畀你哋知,一份工作要做得開心,如果問題未解決,我又點會上任呢?基本問題會處理,雖然我一月先上任,但開始做緊嘢。」