「郁郁吓」花弗成性約港姐返家Gathering

東方日報

參加歌唱比賽出道嘅「郁郁吓」,入行冇耐就入咗電視台做演員,又拍過吓電影,但十幾年來一直處於半紅不黑嘅狀態,真係諗唔到佢有咩代表作,唯一令人記得嘅就係佢拍過大尺度電影,片中同女拍檔舌戰連場,仲試過同女神「字母小姐」拍拖,但最終有傳因為「郁郁吓」偷嗒電影拍檔而被「字母小姐」狠撇。

其實「郁郁吓」戲裏戲外都咁花弗,佢仲喺電視台嘅時候,已經成日周圍覓食,仲試過直接傳短訊畀一位前港姐冠軍「高貴」,用一啲性暗示嘅字眼約人上佢屋企「短敍」。

「高貴」當然知佢醉翁之意係咩啦,亦都聽聞過「郁郁吓」經常用同一個方法約女返屋企,願者上釣,「高貴」自身條件同家底都唔錯,當然睬佢都有味,直頭唔覆佢電話呀!